ARTS AND COMMERCE OPPORTUNITIES

                             वाणिज्य आणि कला शाखेतील संधी

मागील लेखात आपण विज्ञान शाखेतील संधी याविषयी जाणून घेतले , या भागात आपण बघूया की वाणिज्य आणि कला शाखेत भविष्यात कोणत्या संधी उपलब्ध आहेत . विज्ञान शाखेत जायचे नसेल तर शक्यतो मुले हि या दोन पर्यायांकडे वळतात . एकदम जास्त पण अभ्यास नको आणि एकदम कमीपणा नको या मानसिकतेने मुले वाणिज्य शाखेकडे वळतात . म्हणजे काही मुलांना विज्ञान घेतल तर  अभ्यासाची भीती आणि कला विषय घेतलं कि लोक काय म्हणतील विचार मनात येतो . म्हणून यांच्यातला मध्यस्ती मार्ग म्हणजे वाणिज्य शाखा .

जाणून घेउया वाणिज्य शाखेत कोणत्या संधी उपलब्ध आहेत . वाणिज्य शाखा म्हटलं कि समोर येत ते गणित , मोठमोठे समीकरणे , विविध क्लुप्त्या , अकाऊंट , बँक , पैसे , व्यवसाय , साधारणतः आपल्या डोळ्यासमोर या गोष्टी उभ्या राहतात . हो मित्रानो बरोबर या शाखेत आपल्याला साधारणतः याच गोष्टींशी खेळावं लागत . ज्यांचं गणित उत्तम असेल ,मोठमोठ्या अंकांची बेरीज वजाबाकी करण्यास आवडत असेल त्यांनी वाणिज्य शाखेत जायला काही हरकत नाही , त्यांच्यासाठी या शाखेत बरेच पर्याय उपलब्ध आहेत . १० वी नंतर आपण ११-१२ वी साठी  वाणिज्य शाखेला प्रवेश घेऊ शकतो . साधारणतः अर्थशास्र, बुक किपींग , एस पी , यांसारखे विषय आपल्याला शिकायला मिळतात . १२ वी नंतर मुलांना अजून विविध पर्याय उपलब्ध होतात  जसे कि BMS , BAF, BBA  तर काही मुले BCOM करतात . हे कोर्स करता करता आपण  सी ए  च्या अभ्यासक्रमाची तयारी करू शकतो . पण वाणिज्य म्हणजे फक्त सी ए दुसर काही नाही असं काही नसत .  सी ए  शिवाय बरेच कोर्सेस आपण करू शकतो . बऱ्याच कोर्सेस ची आपल्याला माहिती नसते , किंवा ते आपल्यापर्यंत पोहचत नाही . तर आपण त्याची माहिती इंटरनेट वरून मिळवणे गरजेचे आहे . काही विद्यार्थी १२ व नंतर गणित विषय घेऊन त्यात बी ए शुद्ध करतात . वाणिज्य शाखेत तुम्हला वाणिज्य  शाखेचे पर्याय उपलब्ध होतातच शिवाय तुम्ही कला शाखेत सुद्धा उत्तम  करियर करू शकता .

एम बी ए  हा एक नवीन मुलांना आवडणारा अभ्यासक्रम . ज्याची चर्चा , ओढ , उत्सुकता फक्त वाणिज्य शाखेच्या मुलांकडेच नाही तर विज्ञान शाखेतील मुलांकडे सुद्धा खूप आहे . आज अनेक विद्यार्थी इंजिनीरिंग किंवा विज्ञानातील एक डिग्री घेऊन पुढे एम बी ए करायच्या विचारात असतात . त्यासाठी आपल्या CAT हि परीक्षा द्यावी लागते . ही परीक्षा संपूर्ण देशपातळीवर घेतली जाते . त्यामध्ये बेसिक गणित , बुद्धिमता , यांवर जास्त प्रश्न विचारले जातात . या परीक्षेची काठिण्यपातळी खूप जास्त असते . त्यामुळे या परीक्षेत सफल होण्यासाठी खूप मेहनत घ्यावी लागते .  या परीक्षेत उत्तम PERCENTILE  आणला कि आपल्याला आय आय एम( INDIAN INSTITUTE OF MANAGEMENT) मधून पुढील प्रवेशासाठी फोन येतो . किंवा आपण सध्या महाविद्यालयातून देखील हा कोर्स करू शकतो .

तर आता आपण जाउया कला शाखेकडे . ज्यांना १० वीला खूप कमी गुण मिळतात त्यांनी कला शाखेकडे जावं असा साधारणतः आपल्याकडे गैरसमज होता काही दिवसांपूर्वी पण आता तो पुसला गेला आहे . आता ज्याला खरच कलेत काम करायच आहे तो कला शाखा निवडतो . समजा एखाद्याला चित्रकला आवडत असेल तर त्याने विज्ञान किंवा वाणिज्य घेऊन काही उपयोग आहे का , का म्हणून तो त्याचा वेळ आणि पैसे वाया घालावेल.  कला शाखा निवडणं , अभ्यास करणं पण सोपं काम नाही बर का मित्रांनो. तुमचं नावीन्य , कौशल्य त्यात दिसल पाहिजे .तसेच परीक्षेमध्ये तुम्ही किती लिहिताय यापेक्षा काय लिहिताय याला जास्त महत्व असते . कला शाखेत तुम्हला तुमचं अस्तित्व निर्माण करायच असत . तुमचं वाचन , निरीक्षणशक्ती  उत्तम असली पाहिजे ,भाषेवर विशष प्रभुत्व असले पाहिजे . तुमच्यात खरच एखादी कला असेल आणि तुम्ही त्यासाठी वेडे असाल तर तुम्ही कला शाखेत जायला हरकत नाही . तुम्ही कलेमध्ये कोणत्याही क्षेत्रात प्राविण्य मिळवू शकता जसे कि नृत्य , गाणं , चित्रकला , वाद्यवादन , अभिनय , छायाचित्रण , फोटोग्राफी , शिल्पकला , असे अनेक क्षेत्र उपलब्ध आहेत . गरज आहे फक्त तुमच्यातल्या कलागुणांची .

शिक्षक हा  समाजातला अत्यंत महत्वाचा घटक मनाला जातो . हल्ली मुलांना शिक्षक मिळणे अवघड झाले आहे .  किंवा मुलांचा शिक्षक होण्याकडे कल देखील कमी झाला आहे . तर मित्रानो कला शाखेत आपण बी ए ची डिग्री घेऊन पुढे बी. एड  ची डिग्री घेऊन शिक्षक बनू शकतो. एक शिक्षक हजारो मुलांचे भविष्य घडवतो त्यामुळे या पर्यायाचा विचार करायला हरकत नाही . तुम्ही इतर शाखेतील विषयात डिग्री मिळवून देखील शिक्षक बनू शकता. फक्त तुमची आवड जोपासा .    

त्यामुळे मित्रानो आता सुट्टीचे दिवस चालू आहेत . वेळीच आपल्यातील कलागुण ओळखा . त्या दिशेने वाटचाल सुरु करा . सध्या स्पर्धा खूप वाढली आहे . प्रत्येकाने स्वतःला UPDATE ठेवावं . सतत शिकण्याची जिद्द असुद्या. वेगळा काहीतरी करण्याचा प्रयत्न करा पण स्वतःच्या क्षमता ओळखूनच......

                           पुढील वाटचालीसाठी तुम्हाला हार्दिक शुभेच्छा !!!!!